قەقنەز-Qeqnez
2015-05-21 23:22
Xoşewîstît beriztre le ballay min
Lêm gerrê
Natwanim bem lûtkeda serkewm
Lêm gerrî ba
Leşm be aramî rakêşm
Pencekanim le pirçim gîr dem û
Newazşitî cê pencekant kem
Ba dest be cê maçekanta bhênim
Lêw le ser lêwm
Maç be cê maçtewe bkem
Baweş be leşimda bkem û
Lasayî ewîndarît kemewe.
Ey beriztrîn xoşewîstî
Hemû rojêk baweş bo mergî xom degirmewe
Hemû rojêk xom be xak despêrm û
Dem be lawandnewey qeqnezewe
Xom dehênmewe dunya.
Netzanî,
Netzanî çon zgim pirr debû
Ke paş her henaseyekt,
Tûy xoşewîstîm lêt dedzî û
To!
Emma
Doêlt le ser em çete namoye dekrid.
Êsta ke brawey
Lêm gerrê
Bergey em hemû ewîne nagrim
Lêm gerrê ba
Leşm berm bo mirdeşorxane
Emrroş debêt her xom,
Xom bnêjm.
خۆشەویستیت بەرزترە لە باڵای من
لێم گەڕێ
ناتوانم بەم لووتکەدا سەرکەوم
لێم گەڕی با
لەشم بە ئارامی راکێشم
پەنجەکانم لە پرچم گیر دەم و
نەوازشتی جێ پەنجەکانت کەم
با دەست بە جێ ماچەکانتا بهێنم
لێو لە سەر لێوم
ماچ بە جێ ماچتەوە بکەم
باوەش بە لەشمدا بکەم و
لاسایی ئەوینداریت کەمەوە.
ئەی بەرزترین خۆشەویستی
هەموو رۆژێک باوەش بۆ مەرگی خۆم دەگرمەوە
هەموو رۆژێک خۆم بە خاک دەسپێرم و
دەم بە لاواندنەوەی قەقنەزەوە
خۆم دەهێنمەوە دونیا.
نەتزانی،
نەتزانی چۆن زگم پڕ دەبوو
کە پاش هەر هەناسەیەکت،
تووی خۆشەویستیم لێت دەدزی و
تۆ !
ئەمما
دۆئێلت لە سەر ئەم چەتە نامۆیە دەکرد.
ئێستا کە براوەی
لێم گەڕێ
بەرگەی ئەم هەموو ئەوینە ناگرم
لێم گەڕێ با
لەشم بەرم بۆ مردەشۆرخانە
ئەمڕۆش دەبێت هەر خۆم،
خۆم بنێژم.
19/04/2015
13:30